Ҡәҙерле дуҫтар!

Шаран районының Дүртөйлө ауыл биләмәһе халҡы Башҡортостан республикаһында үткәрелгән төрлө проекттарҙа ҡатнаша. Йәрәмкә ауылының ҡатын- ҡыҙҙар ойошмаһы ауылдаштарының башланғысын, ППМИ-2022 » Закир Һәҙи урамын төҙөкләндереү» проектын хупланылар һәм халыҡтың һаулығын һаҡлай торған «Скандинавларса йөрөү» акцияһын ойошторҙолар. Был сарала Шаран районы башҡорттары Ҡоролтайы рәйесе Харисова Фәрхизә Бикмырҙа ҡыҙы, Шаран районының ҡатын- ҡыҙҙар советы рәйесе Ғибәтова Ләйсән Нурмөхәммәт ҡыҙы ҡатнаштылар. Байрам сараһының тантаналы өлөшө Закир Һәҙи урамының яҙыусы тыуып- үҫкән Дәүләтовтар йорто янында булды. Тап ошонда барлыҡ проект ҡатнашыусыларын ауыл китапханасаһы Рәзифә Никифорова тағы бер тапҡыр Закир Һәҙинең тормошо һәм ижады менән таныштырҙы. Ошо акцияға БСТ-ның төшөрөүсе төркөмө лә ҡушылды. Улар Йәрәмкә ауыл халҡының башланғысын хупланылар һәм конкурста еңеү теләнеләр. Дуҫтар! Ваҡытығыҙҙы һаулығығыҙ өсөн файҙалы үткәрегеҙ!